Eth Collectiu de Lengua Viua a organizat ua an mès era lectura publica deth tèxte literari en aranés per celebrar era diada de Sant Jordi, en tot celebrar atau eth dia deth libre.

Era organizacion de Lengua Viua, conjunt damb eth Conselh Generau d'Aran, a profitat aguest dia per contribuïr ara promocion dera lengua aranesa.

Ara celebracion, an assistit un centenar de persones, entre qui i a es alumnes deth CEIP Garona de Vielha, e d'Alejandro Casona de Les, que reünidi ena plaça institucionau deth govèrn, an realizat era lectura de diferenti tèxtes en lengua aranesa.Entre auti, s'an liejut dus comdes dera professora aranesa Nimfa Carabias, mòrt hè pòc. Atau, s'an pogut escotar fragments de diuèrsi libres de Carabias, entre eri, 'Ère mèstra [Pèpa]' e 'Blanqueta'.Tanben s'a liejut part deth poèma de Mirèlha, Premi Nobel occitan de Frédéric Mistral, deth quau se celèbre eth 150au aniversari dera creacion dera òbra.Alhora, ar acte tanben s'an liejut fragments dera òbra 'de bon liéger', publicada peth Conselh Generau d'Aran, dedicada ath dia de Sant Jordi.

Era òbra, recuelh es tèxtes literaris de libres d'autors eth territòri aranés.Eth govèrn d'Aran a obsequiat damb un libre, un punt de libre e un pin as assistents ara lectura, tot promoiguti pera associacion, Lengua Viua.