Eth Conselh Generau d'Aran a acabat aué eth procès de restauració des terçons --divisions geografiques pròpries dera Val d'Aran--, que sigueren abolides eth 1834 e que hè un an comencèren a reimplantar-se per apropar eth Conselh ara ciutadanetat.

Eth darrèr d'eri s'a inaugurat aué a Marcatosa.Eth sindic de Llauren, Francèsc Boya, a hèt un balanç positiu en prumèr an de foncionament d'aguesta figura institucionau enes sies terçons en què se dividís era Val d'Aran, en tot complir er objectiu mercat: "apropar eth Conselh Generau as pòbles e crear era transparència dera sua politica". 

Eth Conselh de Terçons a permetut tractar publicament es hèts mès pròplèus ara ciutadanetat en un espaci de dialòg e collaboracion damb era administracion aranesa. Aguest hèt se repetirà en contunhades reünions de caractèr formau entre eth Conselh Generau, es municipis e es diferentes entitats. Ara reünion, eth sindic a destacat entre autes actuacions, era inversion ena viabilitat de carreteres damb un import de 168.000 èuros, e es intervencions de melhora ena conservacion deth conjunt istoric e culturau.Entre eres se destaque era reparació dera glèisa de Betlan, era melhora des umiditats de Rosèr d'Aubert o era elaboracion des memòries istoricoartistiques dera glèisa de Vilac e Arròs, declaradi Bens Culturaus d'Interès Locau.

Marcatosa serà un des principaus beneficiadi deth Plan de Camins, qu'a era inversion de quate milions d'èuros ath dauant deth gran nombre de melhores qu'auer besonh, segons a confirmat Boya.En apartat de Patrimòni, Boya a declarat qu'eth Conselh Generau assumirà era melhora deth campanar dera glèisa de Sant Félix de Vilac, per garantir eth bon estat deth valor artistic e toristic.