Eth Conselh Generau d'Aran a possat ua comission de tecnics deth Conselh Generau e des Conselhs Comarcals der Alt Urgell, Alta Ribagorça, Cerdanya, Pallars Jussà e Pallars Subirà (Lleida) damb er objectiu d'estudiar es formules de collaboracion toristica, e crear es vincles de besonh per promòir eth Pirineu aranés e catalan.

Era comission, iniciativa deth Conselh Comarcal deth Pallars Subirà, se reünirà dus còps ar an. Eth resultat des sòns prètzhèts s'acabarà enes airaus administratius de cada territòri damb era deguda promocion economica e toristica, en tot melhorar atau era interrelacion entre eres.Segontes eth conselhèr de Torisme, Comèrç e Transpòrt deth Conselh Generau d'Aran, Juan Antonio Serrano, eth desir de mantier ua collaboracion damb es territòris vesins, que definisque ua "perfècta estratègia conjunta per dar a conéisher eth comèrç des Pirineus, un comèrç diferent, que sonque partissen es territòris de montanha".

Serrano a profitat per reivindicar era "identitat pròpria" des Pirineus, tant peth sòn valors paisatgístics, culturaus, gastronòmics, coma peth valor dera gent que i viu e eth sòn caractèr acollidor, un caractèr unic en sòn entorn e a Europa deth Sud".A explicat qu'era iniciativa a vengut arran dera protèsta pera "dissolució dera identitat e era pèrta des valors pròpris, pr'amor dera fauta de coordinacion e collaboracion entre es diferenti territòris."